Eg såg meg rundt
Vatn, strå
ei og anna larve
som symde ikring meg
leikte seg, trur eg
eller kanskje leita etter mat
Kva veit eg
som ein gong var sterk
.
Medan eg vaks
forandra verda seg
ikkje raskt
Sakte
Dei andre stråa strakte seg mot overflata
lik eg gjorde
men eg var først
Eg var sterk
.
Eg kjende forandringa
duft, ljos og vind
ei anna verd
tenkte eg
Eg fekk og ei kjensle av frykt
vinden røska i aksa mine
sola brann på ei anna måte
ljoset var skarpare
Eg kjende meg veikare
.
Dei andre stråa kom opp
mine venar
det gjorde godt
ei kjensle av tryggleik
venskap og latter
dei bøyde seg og i vinden
dei kjende òg forandring
Eg kjende meg sterk att
.
Den sommaren var god
eg trivdest
eg blei sterkare og høgare
eg vaks meg stor
eg herja med dei andre
vi spøkte og lo
vi græt tilsaman
når nokon drog
Å, for ei tid
eg kjende meg som ein konge
blant stråa
Eg var sterk
Eg var på høgda
.
Sola vart svakare
vinden bles meir
dei grøne trea mista blada
blomane falma
kva skjedde?
Eg var framleis sterk
men ei tvil kom snikande
vil verda endra seg?
Eg var framleis eit strå
men eg hadde aksar på skuldrene
Eg var stor
men likevel litt mindre
.
Brr, det blei kaldt
kva er det som hender?
Eg frys, eg skjelv
eg sit fast
Vatnet blei hardt
dei andre blei så stille
nokre venar døyr
vinden knekkar meg
aksa fell av
eg kan ikkje røra meg
eg tenkjer attende
på larva som symde
.
Ein gong var eg sterk
.
- JE23
En rosa panterblogg 